Sapat na. na makita ka tuwing umaga
Nakangiting bumabati, puno ng saya
Kahit hindi para sa akin kundi sa kanya
Sapat na, basta makita kang maligaya
Sapat na, sa ating katiting na usapan
Tila ang segundo ay walang hanggan
Mga salitang tila walang katuturan
Sapat na, basta ika’y mapakinggan
Sapat na, na alam mong nandito ako
Nabubuhay, tumitibok ang puso
Humihinga, dumadaloy ang dugo
Sapat na, hanggang dito na lang ako
Sapat na, nasabi kong mahal kita
Kahit konting pagtingin sakin wala ka
Hiling ko na manahanap mo na siya
Sapat na, hiling ko na mahal ka din niya
Sapat na, na tayo’s pinagtagpo ng panahon
Ngunit hindi nabigyan ng pagkakataon
Lilipas ang araw, linggo, buwan at taon
Sapat na, isa ka na lamang alaala
Sapat na ubusin ko ang nararamdaman sa iyo
Sa halip na ubusin ang sarili ko para sa iyo
Mananatili sa aking puso na “Minahal Kita”
Sapat na, kailangan ko na “Magmahal” nang iba
